"Em ê rojane bêtawîz li sehayê bin"
Di 1ê Mijdarê Rojnameya Dogruhaberê dê bibe rojane.Birêvebirê Weşana Giştî yê Dogruhaberê Mehmet Goktaş di derbarê bûyîna rojane ya Rojnameya Dogruhaberê de ji ÎLKHAyê re nirxandinan kir.Goktaş di nirxandina ku kir de destnîşan kir ew ê bêtawîz rojane li sehayê bin.
“Înşaallah em ê rojane bêtawîz li sehayê bin”
Goktaş di nirxandina xwe ya ku kir de di derbarê sedema bûyîna rojane ya rojnamê de wiha destnîşan kir: “Li holê gelek rojname û kovarên Îslamî hene.Dibe ku bê pirs kirin çi hewce ji rojane derxistina rojnameyê re heye.Dema ku em li cepheya kufrê binêrin em ê bersiva vê pirsê bibînin.Çawa ku di cepheya kufrê de gelek zêde rojname hebin, pêwîst e di cepheya Îslamê de jî gelek rojnameyên Îslamî hebin û bi hêz bin.Medya alaveke bi hêz e.Derketina rojnameyeke din tu zirarê nade.Em li meydanê dibînin ku li meydanê li ser navê Îslamê tawîz tên dayîn û ev yek jî valahî ye.Em dixwazin vê valahiyê dagirin.Em bawer dikin em ê van xeteyan nekin û bêyî dayîna tawîzê em ê rojnameya xwe li gor xetên xwe yên sor derxin.Xwedê Teala me mihafeze bike. Înşaallah em ê rojane bêtawîz li sehayê bin”
“Bila xwendevanên me rojnameya xwe ji bayiyê teleb bikin”
Goktaş di berdewama axavtina xwe de bang li xwendevanan kir da ku li rojnamê xwedî derkevin û wiha li axavtina xwe zêde kir: “Em girîngiyê didin abonetiyê.Em dixwazin ji însanan re xizmetê bikin.Ew ê kesên belavkar rojnamê heta ber piyên xelkê bibin.Em ji kesên xwendevan teleb dikin berî ku em rojnameya wî jê re bibin bila ew biçê bayiyê û rojnameya xwe teleb bike.Em dixwazin bila xwendevan rojnameya xwe ji bayiyê bistînin.Bila xwendevan rojnamê, bi şikleke tevahî binirxînin.Bila xwendevan û aboneyên me rojnameya me ji bayiyan bistînin û ji hevalên xwe re ji dikandaran re wek xelat bidin.”(ÎLKHA)