Li Êlihê malbatên mehkumên dîndar ên ku dûçarê zilma saziyên kûrû paralel ên wekê FETO bûne daxuyaniyêkî çapemeniyê dan. Di daxuyaniyê de destnîşan kirin ku ew qencî û efû naxwazin. Ew bes dixwazin ku mafên girtî û ji nû ve were dayîn û rêyekî darizandinê ya nû vebe.

Hanîfe Çelîk daxuyaniyê li ser navê malbatên mexdûr xwend. Çelîk di daxuyaniyê de wiha destnîşan kir: “Berê û piştî pêvajoya 28ê Sibatê heta hewldana derbeya 15ê Tîrmehê kesên dîndar û xwedî hestyar ji ber nasnameyên xwe hatine binçavkirin û dûçarê îşkenceyan bûne. Em ji bo ku mafên birayên me yên Yusufî werin dayîn li Batmanê me li ser navê Înîsîyatîfa Mexdûrên 28ê Sibatê û FETO dest bi saziyekî nû kir.”

 “Şanoyên ku heyamekî wek bazî dihatin lîstin êdî derketine holê”

Çelîk diyar kir ku armanc û paldanka bingehîn a înîsîyatîfa wan rizayê Xweda ye. Her wiha Çelîk bal kişand ku mêr, bav û birayên wan ji ber nasnameyên xwe yên Îslamî bûne hedef. Dûvre Çelîk wiha pê de çû: “Çendîn sal e ku di encama qumpasên hatine lidarxistin de bira, bav, mêr û zarokên me di zindanan de ne. Bes ji ber nasnameya wan a Îslamî bûne hedef. Mesumiyet û belengaziya van însanan roj bi roj çêtir tê fêmkirin. Şanoyên ku heyamekî wek bazî dihatin lîstin êdî derketine holê.”

 “Em ji tu kesî daxwaziya qencî û efûyê nakin”

Di domahiya qaxuyaniyê de wiha bal hat kişandin: “Ji ber vî yekê em dixwazin bi we endamên çapemeniyê re înîsîyatîfa xwe di vî roj û saetê de îlan dikin û vî peyamê ji rêvebiran re radigihînin. Wek malbatên mexdûr em ji tu kesî daxwaziya qencî û efûyê nakin. Berê û piştî pêvajoya 28ê Sibatê heta hewldana derbeya 15ê Tîrmehê kesên dîndar û xwedî hestyar ji ber nasnameyên xwe hatine binçavkirin û dûçarê îşkenceyan bûne. Em ji bo ku mafên birayên me yên Yusufî werin dayîn li Batmanê me li ser navê Înîsîyatîfa Mexdûrên 28ê Sibatê û FETO dest bi saziyekî nû kir.” (ÎLKHA)