Li gor agahiyên dawî yên ku hatine wergirtin di êrîşa bombeyî ya ku li Cizîra Şernexê li Midûrtiya Ewlehiyê hat kirin de 11 kes jiyana xwe ji dest dan û 78 kes jî birîndar bûn.

Di derbarê êrîşa bombeyî ya ku bi wesayîta bombebarkirî hat kirin û tê de gelek mal û kargeh zirar dîtin de agahiyên nû hêj derdikevin holê.

Hat hînbûn qamyona ku pê êrîş hat kirin aîdî Şaredariya Şernexê ye û ji teref Şaredariya Cizîrê ve hatiye bikirêkirin û tê bikaranîn.

Her wiha hat îddîakirin li tesîsa kevirên parke û boruyan a ku aîdî Şaredariya Cizîrê ye û  ji cihê êrîşê 3 kîlometre dûr e ji heman qamyonê 5 hebên din jî hene.

Tê zanîn ev qamyonên ku li vê tesîsê dixebitin bênavber ji ber Midûrtiya Heremê ya MÎTê, Midûrtiya Ewlehiyê,avahîya Quweta Çewîk û KOMê, Fermandariya Cendirmeyan û ji ber lojmanên polêsan derbas dibin.

Li gor agahiyên ku ji çavkaniyên mehelî hatine wergirtin qamyonên tesîsê ji Qeymeqamtiya Cizîrê belgeya ‘bêyî lêgerînê dikarin ji xalên polês û lêgerînan derbas bibin’ wergirtine.(ÎLKHA)