Serokatîya Navçeya Cizîrê ya HUDA PARê di derbarê xeberên provokatîv de daxuyanî da
Ji teref Serokatîya Navçeya Cizîrê ya HUDA PARê ve di derbarê xeberên provokatîv ên ku ji teref sîteyên xebera yên ku nêzî PKKê ne ve di derheqê şer û pevçûnên ku li navçeya Cizîra Şirnexê diqewin hatine nivîsandin de daxuyanîyek hat dayîn.
Serokê Navçê ya Cizîrê ya HUDA PARê Ahmet Elçîn xeberên provakatîv ên ku ji teref çapemenî û sîteyên xeberan ên ku nêzî PKKê ne ve di derheqê Maruf Gozunguyê ku dema diçû mala xwe di naveyna şer de de mabû û birîndar bûbû de hatibûn nivîsandin tekzîb kir.
Ahmet Elçîn di derbarê mijarê de wiha got: “Îro li Cizîrê şerek derket. Maruf Gozunguyê dema ku diçû mala xwe di naveyna şer de ma û birîndar bû. Lê belê di hinek sîteyên xeberan de bizanabûn nivîsandin ku Maruf Gozungu bi êrîşî terefdarên PKKyî kiriye û birîndar bûye. Ev xeber derew in. Em dibînin ku bi nivîsandina van xeberan bi zanebûn partîyê me dixin hedefê û bizanebûn fitne derdixin. Pêwîst e ku hemû kes zanibe xeberên provokatîv ên mîna van fêde nade tu kesî.Her wiha bila tu kes ji van xeberan bawer meke.”
Di çapemenî û sîteyên xeberan ên ku nêzî PKKê ne de di derheqê Maruf Gozungu de xebera provokatîf wiha hatibû nivîsandin “Endamê HUDA PARê Maruf Gozungu li taxa Nûrê êrîşî terefdarê PKKê kiriye û ji ber ku terefdarên PKKê bersiva êrîşa wî dane di pevçûnê de birîndar bûye.’ (ÎLKHA)